ओली–प्रचण्डकाे सघन वार्ता जारी

काठमाडौं । सत्तारुढ दल नेपाल कम्युनिष्ट पार्टी (नेकपा) काे जारी विवाद समाधानको प्रयास गर्दै अध्यक्षद्वय केपी शर्मा ओली र पुष्पकमल दाहाल प्रचण्ड छलफलमा जुटेका छन् । साेमबार बिहान १० बजेदेखि प्रधानमन्त्री निवास बालुवाटारमा ओली र दाहाल एक्लाएक्लै वार्तामा बसेको स्रोतले बताएको छ। 

आइतबार भएकाे वार्ताले सहमति खाेज्‍ने विषयमा दुई अध्यक्ष तयार भएका थिए । साेहीकारण आज दुई अध्यक्षकाे सघन वार्ता चलेकाे बुझिएकाे छ । आइतबार भएकाे वार्तामा भने ओली पक्षका विष्णु पौडेल र शंकर पाेखरेल छलफलमा सहभागी थिए भने प्रचण्ड पक्षका वर्षमान पुन र जनार्दन शर्मा सहभागी थिए । 

पार्टीकाे विवाद बढ्दै गएपछि नेकपाका दाेस्राे तहका नेताहरु सक्रिए भइ शीर्ष नेतृत्वलाई दबाब दिएसँगै वार्ताबाटै सहमति खाेज्ने प्रयास भएकाे हाे ।

यस्तैगरी सहमतिकाे खाेज्‍ने भन्दै स्थायी समिति बैठक पनि थप दुई दिनका लागि स्थगित गरिएकाे छ । 

यसअघि स्थायी समिति बैठकमा अधिकांश सदस्यले प्रधानमन्त्री र अध्यक्ष पदबाट ओलीकाे राजीनामा मागेका थिए ।