राष्ट्रपति र मबिरुद्ध षडयन्त्र भइरहेको छःः प्रधानमन्त्री

काठमाडौं । प्रधानमन्त्री केपी शर्मा ओलीले पार्टीका नेताहरु राष्ट्रपतिबिरुद्ध महाभियोग लगाउने खेलमा लागेको आरोप लगाएका छन् । शनिबार साँझ प्रधानमन्त्री निवास बालुवाटारमा मन्त्री र राज्यमन्त्रीहरुलाई बोलाएर प्रधानमन्त्री ओलीले राष्ट्रपति र आफूविरुद्ध षडयन्त्रहरु भइरहेको बताएका छन् । यस्तो बेलामा मन्त्रीहरुसित आफूले तपाईहरु कुन कित्तामा भन्ने कुरा प्रष्ट पार्न बोलाएको बताएका थिए ।

प्रधानमन्त्री ओलीले बालुवाटारमा मन्त्री र राज्यमन्त्रीहरुसँग भने–आफू र राष्ट्रपतिका विरुद्ध षडयन्त्र भएको र त्यस षडयन्त्रहरुलाई बाईफोर्स, बाईस्टेप नियन्त्रण गर्नुपर्ने हुन सक्छ’, यस्तोबेलामा तपाईहरु कता भनेर मैले सोध्नुपर्ने हुनसक्छ । तपाईहरुले आफ्नो कित्ता रोज्नुपर्ने हुनसक्छ ।’