बाँकी चार न्यायाधीशविरुद्ध महाअभियोग दर्ता गर्दै एमाले

काठमाडौं । सत्तारुढ गठबन्धनले प्रधानन्यायाधीश चोलेन्द्रशमशेर जबराविरुद्ध छापामार शैलीमा संसदमा महाअभियोग प्रस्ताव दर्ता गरेपछि प्रमुख प्रतिपक्षी दल एमालेले पनि अरु चारजना न्यायाधीशविरुद्ध महाअभियोग प्रस्ताव दर्ता गर्ने भएको छ।

आइतबार सत्ता गठबन्धनले प्रधानन्यायाधीश राणाविरुद्ध महाअभियोग लगाएपछि आक्रोशित एमालेले असार २८ गते परमादेश जारी गर्ने संवैधानिक इजलासका बाँकी चार जना न्यायाधीशविरुद्ध पनि महाअभियोग प्रस्ताव संसदमा पेश गर्ने भएको हो।

उक्त संवैधानिक इजलासमा रहेका सबै न्यायाधीशलाई लगाउनुपर्ने बताउँदै आएको एमालेले सकेसम्म सोमबार नै नभए मंगलबारसम्म महाअभियोग दर्ता गर्ने बताएकाे छ ।

प्रधानन्यायाधीश जबराविरुद्ध कांग्रेस, माओवादी केन्द्र र एकीकृत समाजवादीले महाअभियोग प्रस्ताव ल्याएपछि त्यसलाई काउन्टर दिन चार न्यायाधीशविरुद्ध महाअभियोग ल्याउन लागिएको हो । जबकि संसदमा पाँच दलको गठबन्धन बहुमतमा भए पनि दुई तिहाइ बहुमत छैन । एमालेसँग पनि दुई तिहाइ बहुमत पुग्ने अवस्था नै छैन ।