खुमलटारमा ओली निकट स्थायी समिति सदस्यहरुसँग प्रचण्डको छलफल

काठमाडौं । नेपाल कम्युनिष्ट पार्टीभित्रको विवाद उत्कर्षमा पुगेको छ । बुधबार प्रधानमन्त्री तथा पार्टीका अध्यक्ष केपी शर्मा ओलीले स्थायी समिति सदस्यहरुलाई बोलाएर घेराबन्दीमा पारिएकाले सहयोग गर्न अनुरोध गरेपछि साँझ अर्का अध्यक्ष प्रचण्डसहितका नेताहरुले झम्सिखेलमा स्थायी समितिका सदस्यहरुको भेला बोलाए । भेलाले पार्टी अध्यक्ष र प्रधानमन्त्री दुवै पदबाट ओलीले राजीनामा दिनुपर्नेबारेमा छलफल गरेको थियो ।

प्रधानमन्त्री र पार्टी अध्यक्ष दुबै पदबाट राजीनामा मागिरहेका अर्का अध्यक्ष पुष्प कमल दाहालले बिहीबार बिहान खुमलटार स्थित आफ्नो निवासमा ओली निकट स्थायी समिति सदस्यलाई छलफलका लागि बोलाएका छन् ।

खुमलटारमा ओली पक्षका विष्णु पौडल, ईश्वर पोखरेल, शंकर पोखरेल, विष्णु रिमाल, सुवास नेम्वाङ र प्रदिप ज्ञवालीसँग अध्यक्ष दाहालको छलफल भइरहेको छ । छलफलमा प्रचयड र माधव नेपाल निकट जनार्दन शर्मा, वर्षमान पुन, सुरेन्द्र पाण्डे, हरिबोल गजुरेल र मात्रिका यादव लगायतका नेताहरु पनि सहभागी छन् ।