संविधानसभा सदस्य डा. दुमन थापाको निधन

काठमाडौँ । नेकपा एकीकृत समाजवादीका नेता एवं संविधानसभा सदस्य डा. दुमन सिंह थापाको निधन भएको छ ।

अर्घाखाँची क्षेत्र नम्बर २ बाट निर्वाचित संविधानसभा सदस्य थापाको आइतबार ६२ बर्षको उमेरमा काठमाडौंको हेम्स हस्पिटलमा उपचारको क्रममा निधन भएको हो ।  

पारिवारिक स्रोतका अनुसार थापालाई कोरोना संक्रमण भएको बताइएको छ । थापाले करिब दुई बर्ष अगाडि मृगौला प्रत्यारोपण समेत गरेका थिए । साथै ३ दिन अगाडि साइड इफेक्ट भएपछि थापा हेम्स हस्पिटल भर्ना भएका थिए। 

नरपानीमा जन्मेका थापाले संविधानसभाको निर्वाचनमा १६६५० मत प्राप्त गरेका थिए । थापाको निधनमा पार्टी अध्यक्ष माधव कुमार नेपालले श्रद्धान्जलि अर्पण गर्दै शोक सन्तप्त परिवारमा समवेदना प्रकट समेत गरेका छन्।