प्रकाशमान सिंह भन्छन्- महाधिवेशन प्रतिनिधिको भावनालाई कदर गर्दै देउवालाई सघाएको हुँ

काठमाडौं । नेपाली कांग्रेसका नेता प्रकाशमान सिंहले आफू नेतृत्व परिवर्तनका पक्षमा भएपनि महाधिवेशन प्रतिनिधिहरु पुरानै नेतृत्वको पक्षमा देखिएपछि उनीहरुको भावनाको कदर गर्दै शेरबहादुर देउवालाई सघाएको बताएका छन् ।

बिहीबार भक्तपुरमा आयोजित एक कार्यक्रममा पूर्वमहामन्त्री सिंहले कांग्रेसको १४ औं महाधिवेशनमा प्रतिनिहरुको भावनाको कदर गर्दै शेरबहादुर देउवालाई सघाएको बताएका हुन् ।

उनले भने, ‘म शुरुदेखि नै पार्टीको नेतृत्व परिवर्तन हुनुपर्छ भन्ने पक्षमा थिएँ । त्यही एजेण्डा बोकेर प्रतिस्पर्धामा उत्रिएको हुँ । तर पहिलो चरणमा पुरानै नेतृत्वले नै सबैभन्दा बढी मत पाएपछि मतदाताको म्यान्डेडअनुसार शेरबहादुरजीलाई सहयोग गरेको हुँ ।’