लिङ्देनलाई रवीन्द्र मिश्रको प्रस्ताव: राप्रपा र विवेकशील मिलाएर नयाँ पार्टी बनाउँ

काठमाडाैं । विवेकशील साझा पार्टीका अध्यक्ष रवीन्द्र मिश्रले राष्ट्रिय प्रजातन्त्र पार्टी र विवेकशील साझा पार्टी मिलाएर नयाँ पार्टी गठन गर्न सकिने प्रस्ताव ल्याएका छन् । 

राप्रपा अध्यक्ष राजेन्द्र लिङ्देन र रवीन्द्र मिश्रबीच शुक्रबार भएकाे भेटवार्तामा आपसी सहकार्यका साथै पार्टी एकताको विषयमा छलफल भएको हाे । त्यो छलफलका क्रममा मिश्रले दुबै पार्टी मिलाएर नयाँ विकल्पमा जानुपर्ने प्रस्ताव गरेका हुन्। 

‘विवेकशील साझा राप्रपामा मिसिन सक्दैन, राप्रपा विवेकशील साझामा आउन सक्दैन,’ मिश्रले भने, ‘मैले राखेको कुरा दुबैको सहमतिमा नयाँ विकल्प जान सकिन्छ, नयाँ शक्ति सिर्जना गर्न सकिन्छ।’ 

भेटमा राजनीति, समाज र देशको भविष्यबारे चिन्ताजनक र आशापूर्ण कुरा चलेको बताउँदै मिश्रले भने, ‘यो एक किसिमको शिष्टाचार भेट पनि थियो । 

स्रोतका अनुसार अहिले एकताका लागि छलफल प्रारम्भ भएकाले र आगामी दिनमा थप छलफल गरेर अघि बढ्ने विषयमा दुबै नेता सहमत भएका छन् ।