लद्दाखको गलवानमा भारत–चीन भिडन्तः २० भारतीय सेनाको मृत्यु

काठमाडौं । दक्षिण एसियाली देशहरुका सीमा मिचेर भारतले जसरी ठूलो देशको दम्भ देखाएको छ । दक्षिण एसियाका नेपाल, पाकिस्तान, श्रीलंका, भूटान जस्ता देशसँग भारतको सीमा विवाद चर्किरहेको छ । नेपालको लिम्पियाधुरा, लिपुलेक र कालापानी बलात् कब्जा गरेको भारतले त्यहाँबाट मानसरोबर जाने सडक नै उदघाटन गरेपछि नेपालले पनि त्यो भूभाग समेटेर नक्सा जारी गरेको छ । जुन नक्सा संसदको दुईतिहाईभन्दा बढीले अनुमोदन भइसकेको छ ।

छिमेकी देशको सीमामा किचलो गर्ने भारतलाई चिनियाँ सेनाले लद्दाखको गलवान क्षेत्रमा भारतलाई हावाकावा पारेको छ । सोमबार राति गलवान क्षेत्रमा भारत र चीनका सैनिकबीच झडप हुँदा २० भारतीय सैनिकको मृत्यु भएको छ । भारतीय सेनाले आफ्ना २० सैनिकको मृत्यु भएको जनाएको पुष्टि गरेको छ । भारतीय सेनालाई उदृत गर्दै भारतीय मिडियाले सो जानकारी दिएका हुन् ।

सोमबार राति चिनियाँ सेनाको आक्रमणमा परी सेनाका एक कर्णेल र दुई जवानको मृत्यु भएको प्रारम्भिक रिपोर्ट आए पनि राति सो संख्या २० रहेको भारतीय सेनाले नै पुष्टि गरेको छ । दुई देशका सैन्य अधिकारीहरुबीच वार्ता भएको राति नै यो हिंसात्मक झडप भएको थियो । झडपमा गोली नचलेपनि ढुङगा, लाठी र अन्य धारिलो हतियार प्रयोग भएको हुनसक्ने बताइएको छ ।

पछिल्लो ४५ बर्षमा भारत र चीनको सीमा एलएसीमा भएको पहिलो हिंसात्मक झडप रहेको मिडिया रिपोर्टहरुमा उल्लेख गरिएको छ । दुई देश युद्धको अवस्थामा रहे पनि कुटनीतिक र सैन्य अधिकारीहरुको वार्ताको माध्यमबाट सीमाको विवाद सुल्झाउन लागिरहेको बेला यो हिंसात्मक झडप भएको हो । भारतीय सेनाले मृतकका आफन्तलाई उनीहरुको मृत्युको बारेमा जानकारी दिएपछि उनीहरुको विवरण सार्वजनिक गरेको हो ।

भारतले एलएसी नाघेर भारतको क्षेत्रमा आएका चिनियाँ सेनालाई आफ्नो क्षेत्र फर्कन भनेको समयमा चिनियाँ सेनाले आक्रमण गरि आफ्ना सेनाको आक्रमण गरेको बताएको छ । चीनले भने भारतले सीमामा उक्साएपछि झडपको स्थित सिर्जना भएको बताएको छ ।