काठमाडौं । नेपालमा गत बर्षसम्म एक्टिभ रहेका मेनपावरको संख्या ८६० रहको बैदेशिक रोजगार बिभागले जनाएको छ ।यो आर्थिक बर्ष भने हालसम्म ६१३ वटा मेनपावर कम्पनीले नबिकरण गरेका छन्।
नेपाली कामदार संस्थागत रुपमा वैदेशिक रोजगारमा पठाउने मेनपावरको संख्या पहिले धेरै थियो । भुकम्प, कोरोना महामारी तथा बैदेशिक रोजगारीमा पठाउने कम्पनीलाई सरकारले न्यूनतम पचास लाख नगदै र १ करोड ५० लाखको बैंक ग्यारेन्टीको राख्नु पर्ने ब्यबस्था गरेकोले मेनपावरको संख्यामा कमि आएको हो । झन्डै १७०० को हाराहारीमा रहेका मेनपावरमा हाल ६१३ वटाले मात्र नबिकरण गरेका र बैदेशिक रोजगारीको काम गर्न अनुमति प्राप्त मेनपावर रहेको बैदेशिक रोजगार बिभाका प्रवक्ता कमल कोइरालाले बताएका छन् ।
देशको अर्थतन्त्रको प्रमुख खम्बा रेमिट्यान्स नै रहेको हालको परिपेक्षमा बैदेशिक रोजगार ब्यबसायलाई पारदर्शी र समय सापेक्ष बनाउन बिभाग प्रयासरत रहेको प्रवक्ता कोइरालाले बताएका छन् ।
किन हुन्छन् त मेनपावर खारेजी
विभागले नियम विपरीत काम गर्ने मेनपावरको दर्ता खारेजी गर्छ । तोकिएको समयभित्र कम्पनीको विवरण अद्यावधिक नगर्ने मेनपावर कम्पनी पनि खारेजीमा पर्छन् ।
बैदेशिक रोजगारीमा पठाउने कम्पनीले रोजगारीमा जाने कामदारसँग तोकेको भन्दा बढी शुल्क लिने, कामदारलाई एउटा काम भनेर अर्कै काममा पठाउने , रोजगारी पठाइदिन्छु भनेर पैसा असुल्ने,मेनपावरहरु अनि फरार हुने मेनपावर बिरुद्ध गत बर्ष ३४७ वटा उजुरी परेका थिए ।
जसमध्ये कतिपय मेनपावर कम्पनी र उजुरी कर्ताबिच मेलमिलाप भएको र १६ वटा मेनपावर बिरुद्ध अदालतमा मुद्धा परेको छ । यो आर्थिक बर्ष पनि ८६ वटा मेनपावर कम्पनी बिरुद्ध उजुरी परेको प्रवक्ता कोइराले बताएका छन् ।
यी हुन् बिभिन्न मितिमा खारेजी भएका मेनपावर
