कांग्रेस प्रदेश १ अधिवेशनः १००० मत गन्दा गुरुराज घिमिरे थापाभन्दा ४४ मतले अगाडि

काठमाडौं । नेपाली कांग्रेस प्रदेश १ अधिवेशनको मतगणना जारी छ । राति १० बजेसम्म १ हजार मतगणना हुँदा सभापति पदमा गुरुराज घिमिरेले ४४ मतले उद्धव थापालाई जितिरहेका छन् । सभापतिका प्रत्यासी घिमिरेले ५०३ मत पाएका छन् भने थापाले ४५९ मत प्राप्त गरेका छन् ।

 घिमिरे कोइराला पक्षका हुन् भने थापा शेरबहादुर देउवा खेमाका हुन् ।  

उपसभापतिका ४ उम्मेदवार छन् । जसमा रमेशजंग रायमाझीले अग्रता हासिल गर्दै ४९२ मत प्राप्त गरेका छन् । टंकप्रसाद राईले ४७३ मत पाएका छन् भने गोबिन्दप्रसाद ढुंगानाले ४४२ मत प्राप्त गरेका छन् । विश्वनाथ रिजालले ३९७ मत पाएका छन् ।

महामन्त्रीमा पनि ४ जना नै उम्मेदवार छन् । जसमा उमेश थापाले ४८७ मत पाएका छन् । दिपनकुमार श्रेष्ठको ४४९ छ भने पदम सुन्दर पालुङ्गवा ४५४ र भूपेन्द्र राई ४४५ मत पाएका छन् ।