एमाले महाधिवेशनमा बाेल्दै कमल थापाले भने- जनतालाई दिएको आश्वासनअनुसार ओलीले काम गर्न सकेनन्

चितवन । राप्रपा अध्यक्ष कमल थापाले तत्कालीन प्रधानमन्त्री तथा एमाले अध्यक्ष केपी ओलीले जनतालाई दिएको आश्वासनअनुसार काम गर्न नसकेको बताएका छन् । 

चितवनमा आयोजित एमालेको १०औँ महाधिवेशनको उद्घाटन सत्रमा बोल्दै उनले जनतालाई दिएको आश्वासन पूरा गर्न नसके पनि देश र जनताका लागि दुईवटा महत्वपूर्ण कार्य गरेको भन्दै ओलीकाे तारिफ गरे । तराई मधेसमा देखिएको पृथकतावादी आन्दोलन र सशस्त्र संघर्षको बाटोमा रहेका विप्लव नेतृत्वको नेकपालाई शान्तिपूर्ण बाटोमा ल्याउने ओलीको कार्य प्रसशंसायोग्य रहेको अध्यक्ष थापाको भनाइ छ । 

साथै कालापानी, लिम्पियाधुरा, लिपुलेकलाई समेटेर नक्सा जारी गरेको र सो नक्सालाई संविधानको अंगमा समावेशन गर्ने कार्यबाहेक ओलीले आफ्नो शासनकालमा राम्रो काम गर्न नसकेको थापाले बताए । उनले एमाले महाधिवेशनको सफलताको शुभकामना पनि दिए ।