दल विभाजनसम्बन्धी अध्यादेश: २० प्रतिशत सांसद वा केन्द्रीय सदस्य भए पार्टी फुटाउन सकिने

काठमाडाैं । सरकारले राजनीतिक दल विभाजनसम्बन्धी अध्यादेश ल्याएको  छ।

मंगलबार बालुवाटारमा बसेको मन्त्रिपरिषद बैठकले अध्यादेश ल्याउने निर्णय गर्दै अनुमोदनका लागि राष्ट्रपति कार्यालय पठाएकाे हाे ।

यसअघिकाे राजनीतिक दलसम्बन्धी ऐनलाई खुकुलो बनाउँदै मन्त्रिपरिषद्ले केन्द्रीय समिति वा संसदीय दलमा २० प्रतिशत सदस्यले दल विभाजन गर्ने व्यवस्था अध्यादेशमा राखिएको एक मन्त्रीले जानकारी दिए 

यसअघि केन्द्रीय समिति र संसदीय दलमा ४० प्रतिशत भए मात्रै दल विभाजन गर्न सकिने भन्ने व्यवस्था थियाे ।

मन्त्रिपरिषद्ले ल्याएको अध्यादेशलाई राष्ट्रपति विद्यादेवी भण्डारीले जारी गर्नु पर्नेछ । 

नेकपा एमालेका वरिष्ठ नेता माधवकुमार नेपाललाई पार्टीको  केन्द्रीय समिति र संसदीय दलमा ४० प्रतिशत पुर्‍याउन गाह्रो हुने भएपछि २० प्रतिशतले दल विभाजन गर्न सक्ने व्यवस्थासहितको अध्यादेश ल्याइएको हो ।