अफगानिस्तानका राष्ट्रपति देश छाडेर भागेपछि कमल थापाले भने – ज्ञानेन्द्रप्रति मेरो सम्मान अझै बढेको छ

काठमाडौं । राष्ट्रिय प्रजातन्त्र पार्टी (राप्रपा)का अध्यक्ष कमल थापाले पूर्वराजा ज्ञानेन्द्र शाहप्रति आफ्नो सम्मान अझै बढेको बताएका छन् । 

आइतबार तालिवानले अफगानिस्तानमा सत्ता कब्जा गरेपछि राष्ट्रपतिले देश छोडेर भागेको बिषयलाई लिएर अध्यक्ष थापाले सोमबार बिहानै सामाजिक सञ्जाल ट्वीटरमा राजा र राष्ट्रपतिबीचको फरक भन्दै राजा देश छोडेर नभागेको जिकिर गरेका छन् ।

उनले भनेका छन्, ‘तालिवानी विद्रोहीले सत्ता कब्जा गर्न लाग्दा अफगानिस्तानका राष्ट्रपति देश छोडेर भागेको घटना देख्दा राजा ज्ञानेन्द्र प्रति मेरो सम्मान अझै बढेको छ। २०६३ पछि देश भित्रै रहेर देश र जनताको सेवामा समर्पित हुने राजा ज्ञानेन्द्रको निर्णय दूरदर्शी छ। राजा र राष्ट्रपति बिचको फरक पनि यही हो।’

तालिवानी विद्रोहीले सत्ता कब्जा गर्न लाग्दा अफगानिस्तानका राष्ट्रपति देश छोडेर भागेको घटना देख्दा राजा ज्ञानेन्द्र प्रति मेरो सम्मान अझै बढेको छ।२०६३ पछि देश भित्रै रहेर देश र जनताको सेवामा समर्पित हुने राजा ज्ञानेन्द्रको निर्णय दूरदर्शी छ।
राजा र राष्ट्रपति बिचको फरक पनि यही हो pic.twitter.com/Ed3vw10s0H

— Kamal Thapa (@KTnepal) August 16, 2021

१९९४ मा ५० जना विद्यार्थीहरुको साथ पाएर सुरुवात भएको तालिवानले आज अफगानिस्तानमा सत्ता कब्जा गरेको छ।