ओलीको बहिर्गमनपछि एनटिभीका अध्यक्षले पनि दिए राजीनामा

काठमाडौं । नेपाल टेलिभिजनका कार्यकारी अध्यक्ष डा. महेन्द्र विष्टले राजीनामा दिएका छन्। 

बिहीबार अध्यक्ष विष्टले वर्तमान प्रधानमन्त्री एवं सञ्चार तथा सूचना प्रविधिमन्त्री शेरबहादुर देउवासमक्ष राजीनामा दिएका हुन्।

तत्कालीन प्रधामन्त्री केपी शर्मा ओलीको पालामा विष्ट चार वर्षका लागि नेपाल टेलिभिजनको कार्यकारी अध्यक्षमा नियुक्त भएका थिए। 

विष्टले आफ्नो कार्यकालमा नेपाल टेलिभिजनका सबै च्यानलहरूलाई एचडी प्रविधिमा रुपान्तरण गर्ने, रुग्ण आयोजनाको रुपमा रहेको इटहरी प्रसारण केन्द्रको भवन निर्माण कार्य सम्पन्न गरेको जानकारी गराएका छन्।

त्यस्तै उनले एनटीभी इटहरी च्यानल सञ्चालन गर्ने, एनटीभी कोहलपुर प्रसारण केन्द्रलाई एनटीभी कोहलपुर च्यानलका रुपमा चौबीसै घण्टा नियमित प्रसारणमा ल्याउने, डिजिटल प्लेटफर्ममा नेपाल टेलिभिजनको बलियो उपस्थिति गराउने लगायतका कार्यहरू भएको उल्लेख गरेका छन्।