जसपाको कार्यकारिणी समिति बैठक जारी, सरकारमा सहभागी हुने मन्त्रीकाे टुंगाे लगाउने

काठमाडौं । जनता समाजवादी पार्टी नेपाल (जसपा) को केन्द्रीय कार्यकारिणी समितिको बैठक तुलसीलाल अमात्य प्रष्ठिानको भवन ललितपुरमा शुरु भएको छ ।

बुधबार दिउँसो पार्टी केन्द्रीय अध्यक्ष उपेन्द्र यादवको अध्यक्षतामा बसेको बैठकमा निर्वाचन आयोगमा सनाखत गरेका ३४ जनालाई समेटेर औपचारिक कार्यकारिणी समितिलाई पूर्णताः दिने बताइएकाे छ ।

पार्टीको आन्तरिक बिषयसहित सरकारमा सहभागिता, महन्थ ठाकुर–राजेन्द्र महतो समूहलाई कारवाही गर्ने–नगर्ने, सम्भावित मन्त्री र मन्त्रालयको सूची, संसदीय दलको नेता ग़री अन्य पदाधिकारी चयन लगायतका एजेन्डामा छलफल केन्द्रित रहेको छ ।

प्रधानमन्त्री शेरबहादुर देउवाले बुधबार सत्तारुढ गठबन्धनका नेताहरुसँग छलफल गरेर मन्त्रिपरिषद विस्तारको तयारी गरेपछि जसपाले मन्त्रीहरुको टुंगो लगाउन छलफल गरिरहेको एक सदस्यले जानकारी दिए ।