तीन प्रदेश प्रमुख हटाउँदै प्रधानमन्त्री देउवा

काठमाडौं । नेपाली कांग्रेसका सभापती एवं प्रधानमन्त्री शेरबहादुर देउवाले ओली सरकारले नियुक्त गरेका प्रदेश प्रमुखलाई बर्खास्त गर्ने तयारी गरेका छन् ।

प्रधानमन्त्री देउवाले प्रदेश २ का राजेश अहिराज, गण्डकी प्रदेशका सीता पौडेल र लुम्बिनीका धर्मनाथ यादवलाई बर्खास्त गर्न लागेका हुन् ।सम्भवतः आजै मंगलबार बर्खास्त गर्ने तयारी गरेका छन् । उनीहरुलाई हटाएर नयाँ प्रदेश प्रमुख नियुक्ति गर्ने तयारीमा सत्ता गठबन्धनका नेताहरु छन् ।

यसअघिका प्रधानमन्त्री केपी शर्माा ओलीको सिफारिसमा तिलक परियारलाई हटाएर राजेश झा अहिराजलाई प्र्रदेश २ को प्रदेश प्रमुख नियुक्त गरिएको थियो ।  गण्डकीका अमिक शेरचन र सुदूर पश्चिम प्रदेशका शर्मिला त्रिपाठीलाई हटाएका थिए । गण्डकीमा सीता पौडेल र सुदूरपश्चिम प्रदेशको प्रदेश प्रमुखमा गंगाप्रसाद यादवलाई नियुक्ति गरिएको थियो । तत्कालीन प्रधानमन्त्री ओलीले माओवादी पृष्ठभूमिका परियार, शेरचन र त्रिपाठीलाई हटाएका थिए । अहिले प्रधानमन्त्री शेरबहादुर देउवा, माओवादी अध्यक्ष पुष्पकमल दाहाल‘प्रचण्ड’ , नेकपा एमालेका बरिष्ठ नेता माधवकुमार नेपाल, जसपाका अध्यक्ष उपेन्द्र यादवसँग छलफल गरी प्रदेश प्रमुख हेरफेर गर्न लागेका छन् ।