जसपा विवादमा रेशम चौधरी तटस्थ बस्ने

काठमाडाैं । जनता समाजवादी पार्टी (जसपा) का कार्यकारिणी सदस्य एवं प्रतिनिधिसभा सदस्य रेशम चौधरी पार्टीकाे आन्तरिक विवादमा  तटस्थ बसेका छन् । 

चौधरीले आफू कुनै पक्षमा नलागि जसपाको कार्यकर्ता भएकाले तटस्थ बस्ने बताएका हुन् ।

उनको हस्ताक्षर जेलबाटै लिने तयारी भए पनि चौधरीले त्यसलाई इन्कार गर्दै आयोगमै उपस्थित हुने अडान लिएपछि कारागार प्रशासनले चौधरीलाई आयोगमै उपस्थित हुने अनुमति दिएकाे थियाे । 

उनलाई सोमबार दिउँसो निर्वाचन आयोग पुर्‍याइएको हो ।  चौधरीलाई आयोग लैजाँदा बाक्लो संख्यामा प्रहरी परिचालन गरिएको थियो । 

उपेन्द्र यादवको पक्षमा ३४ जनाको हस्ताक्षर सनाखत भएको छ भने महन्थ ठाकुरको पक्षमा १६ जनाले हस्ताक्षर गरेका छन् ।