युथ फोर्स भ्याली कमाण्ड घोषणा कार्यक्रम: गएनन् ओली (फोटो फिचर सहित)

काठमाडौं ।नेकपा एमालेको युथ फोर्स भ्याली कमाण्ड घोषणा कार्यक्रममा  व्यस्तताका कारण भन्दै  अन्तिम समयमा अध्यक्ष केपी शर्मा ओली गएनन् । प्रमुख अतिथीका रुपमा निम्तो दिइएका अध्यक्ष ओली व्यस्तताका कारण कार्यक्रममा उपसस्थित हुन नसकेको  जानकारी गराइएको छ ।

आज (शनिबार) राजधानीमा आयोजित युथफोर्स भ्याली कमाण्डर घोषण कार्यक्रमलाई सम्बोधन गर्दै महासचिव ईश्वर पाखरेलले भने–‘परिवर्तित सन्दर्भमा जनतासँग जोडिने, जनताले नचाहेको काम नगर्ने, जनतालाई उत्पादनसँग जोड्ने, स्वरोजगारसँग अभियान चलाउने काम तपाईंहरुले गनुपर्छ । भ्रष्टाचार विरुद्ध अभियान चलाउनुपर्छ ।’जनताले राम्रो नठान्ने काम नगर्न भन्दै उनले युथफोर्स फरक परिवेशमा गठन भएको भए पनि परिवर्तित परिस्थिति अनुसार काम गर्नुपर्ने  महासचिव पाखरेलले बताए।