युथफोर्सको शक्तिप्रदर्शन, भ्याली कमाण्ड घोषणा हुने

काठमाडौं । केपी शर्मा ओली सत्ताबाट बहिर्गनपछि नेकपा (एमाले)को भ्रातृ संगठन राष्ट्रिय युवा संघ नेपालले गठन गरेको युथफोर्सले आज माइतीघर मण्डलामा शक्तिप्रदर्शन गरेको छ । आजको युथफोर्सको भेलामा फोर्सको भ्याली कमाण्ड घोषणा गर्ने कार्यक्रम छ । एमालेका अध्यक्ष केपी शर्मा ओलीले भ्याली कमान्डका सदस्यहरूलाई आज शपथ खुवाउने कार्यक्रम रहेको छ । शपथ ग्रहण कार्यक्रमअघि शनिबार युथफोर्सले काठमाडौँमा मोटरसाइकल ¥याली गरेर शक्ति प्रदर्शनसमेत गरेको छ ।  

 युवासंघले क्षितिज थेवेको अध्यक्षतामा गठन गरेको युथफोर्सले ओलीलाई प्रधानमन्त्री निवास बालुवाटारबाट बालकोट पुर्याउन जुलुस प्रदर्शन गर्ने र पार्टीका बरिष्ठ नेता माधवकुमार नेपालका बिरुद्ध जिउँदै सबयात्रा निकाल्ने, दाहसंस्कार गर्ने, बाँदर जुुलुस गर्ने गरेको छ ।

बालकोटमा ओलीलाई पुर्याएपछि युथफोर्सले कोटेश्वरमा नेता नेपालको पुतला दहन गरेको थियो । युथफोर्स जस्तो बाहुबली संगठन गठन गर्नु पार्टीको हितमा नभए पनि ओलीले युथफोर्स गठन गरेपछि माधव नेपाल पक्षले अखिल फोर्स गठन गरेको छ । माधव नेपालले पिपुल्स भोलिन्टियर्स(पीभी) गठन गरी शुक्रबार शक्ति प्रदर्शन गरेपछि युथफोर्सले आज गरेको छ ।