बिपीलाई सम्झँदै कांग्रेस सांसद अमरेशकुमार सिंहद्वारा राजीनामाको घोषणा

क्रियाशील सदस्यता वितरणमा व्यापक रूपमा धाँधली भएको र वर्षौंदेखि कांग्रेसमा काम गर्दै आएका इमान्दार कार्यकर्ताहरू मर्कामा परेकोले आफू सांसद पदमा बसिरहन उपर्युक्त नहुने भन्दै उनले राजीनामा दिन लागेका हुन्। 

प्रधानमन्त्रीसमेत रहेका पार्टी सभापति शेरबहादुर देउवालाई आज ६ बजे बालुवाटारमा भेटेर उनकाे हातमा राजीनामा पत्र  बुझाउने तयारी गरेकाे सिंहले बताएका छन् । 

पार्टी कार्यालयमा सर्लाही, धनुषा, बारालगायत जिल्लाका नेता तथा कार्यकर्ताहरू विगत दुई सातादेखि अनसन र धर्नामा बसे पनि नेतृत्वले समस्या समाधान गर्न ध्यान नदिएको सिंह बताउँछन् । 

उनी सर्लाही निर्वाचन क्षेत्र नम्बर ४ बाट गत निर्वाचनमा बिजयी भएका थिए । 

क्रियाशील सदस्यता वितरणको नाममा पार्टीमा काम नगरेका ठेकेदारलगायतलाई क्रियाशील दिइएको आरोप उनको छ।

‘आज बिपी स्मृति दिवस पनि बिपीलाई सम्झँदै सांसद पदबाट मैले राजीनामा दिने निर्णय गरेँ ।