नेपाल र प्रचण्डबीच करिव एक घण्टा छलफल

काठमाडौँ । नेकपा एमालेका वरिष्ठ नेता माधवकुमार नेपाल र नेकपा माओवादी केन्द्रका अध्यक्ष पुष्पकमल दाहाल प्रचण्डबिच मंगलबार बिहानै भेटवार्ता भएको छ ।

नेपाललाई भेट्न बिहान सवा ८ बजे नेपाल निवास कोटेश्वर पुगेका प्रचण्ड र नेपालबीच झण्डै एक घण्टा भेटवार्ता स्राेतले जानकारी दिएकाे छ । 

स्राेतका अनुसार भेटवार्तामा के बिषयमा छलफल भएकाे भन्ने खुलाइएकाे छैन ।

नेता नेपाल र उनका समर्थक २२ जना सांसदहरुले असार ३ गते संसदमा प्रधानमन्त्री शेरबहादुर देउवालाई विश्वासको मत दिएका थिए।

पार्टी निर्देशन विपरीत प्रधानमन्त्री देउवालाई विश्वासको मत दिएको भन्दै नेता नेपालसहित २२ सांसदलाई एमालेले स्पष्टीकरण सोध्ने निर्णय गरेको छ।