७० करोड काण्डमा मुछिएका बाँस्कोटाको ट्वीट – माधव नेपालबिना एमालेको कल्पना !

काठमाडौँ । नेपाल कम्युनिष्ट पार्टी (नेकपा) एमालेका नेता एवं पूर्वमन्त्री गोकुलप्रसाद बाँस्कोटाले पार्टीका बरिष्ठ नेता माधवकुमार नेपाल बिना नै जितको सम्भव हुने कल्पना गरेका छन्। 

पार्टी अध्यक्ष एवं पूर्वप्रधानमन्त्री केपी  शर्मा ओली नेतृत्वको सरकारमा संचारमन्त्री समेत भएका एमाले नेता बाँस्कोटा ७० करोड अडियो रेकर्ड काण्डमा मुछिएर विवादमा आएका थिए । अध्यक्ष ओलीनिकट रहेका बाँस्कोटाले पछिल्लो समय नेपाल र नेपाल पक्षका नेताहरुमाथि आलोचना गर्दै आएका छन् । 

यसैबीच, गत आइतबार संसदमा कांग्रेस सभापति एवं वर्तमान प्रधानमन्त्री शेरबहादुर देउवालाई विश्वासको मत दिएको भन्दै बाँस्कोटाले आगामी दिनमा नेपाललाई पार्टीमा सँगै हिडाउन नसकिने उल्लेख गरेका हुन्। 

सामाजिक संजालमा नेता बाँस्कोटाले लेखेका छन्, ‘ अब एमाले र माधब नेपाललाई न त संगै हिडाउन सकिन्छ न त जिताउन नै । माधब जित्दा एमाले नै हार्छ तर एमाले जित्दा माधब मात्र हार्छन।’

एमालेको सृष्टिकर्ता मानिने बरिष्ठ नेता नेपालमाथि बाँस्कोटाको यस्तो टिप्पणीको सामाजिक संजालमा सर्बत्र बिरोध हुँदै आएको छ।  

अब एमाले र माधब नेपाललाई न त संगै हिडाउन सकिन्छ न त जिताउन नै।माधब जित्दा एमाले नै हार्छ तर एमाले जित्दा माधब मात्र हार्छन।तसर्थ देशभरका एमालेजनले बिना अलमल ब्यक्ति वा पार्टी मध्ये एक रोज्न पर्छ।अर्को विकल्प छैन।शुभरात्री !!!

— Gokul Prasad Baskota (@GokulPBaskota) July 19, 2021