देउवाले भने–मेराे पहिलो प्राथमिकता खोप

काठमाडौं । प्रधानमन्त्री शेरबहादुर देउवाले सरकारको मुख्य प्राथमिकता कोरोना भाइरसविरुद्धको खोप भएको बताएका छन् । उनले विकासभन्दा अहिलेको अवस्थामा नागरिकको जीवन रक्षा नै  प्राथमिकतामा रहेको बताए छन् ।

हिजो आइतवार प्रतिनिधिसभामा विश्वासको मत माग्दा सांसदहरूले उठाएको प्रश्नको जवाफ दिँदै देउवाले आफ्नो सरकारको प्राथमिकतामा खोप मात्रै रहेको बताएका हुन् ।संसदमा उठेका प्रश्नको जवाफ दिने क्रममा उनले यस्तो बताएका हुन् ।

हिजोको प्रतिनिधिसभा बैठकमा पूर्व प्रधानमन्त्री केपी शर्मा ओली  भने सहभागी भएका थिएनन् ।देउवाले प्रधानमन्त्री बोल्दा विपक्षी दलको नेता अनुपस्थित हुनु गम्भीर विषय भएको बताए ।

नेकपा एमालेको तर्फबाट पार्टी प्रवक्तासमेत रहेका सांसद प्रदीप ज्ञवालीले धारणा राखेका थिए । देउवाले लिम्पियाधुरासहितको नेपालको नक्सा पारित गरेकामा एक्लै जस नलिन नेकपा एमालेलाई आग्रह गरे । प्रतिनिधिसभामा सबै सांसदले एकमतले नक्सा पारित गरेको भन्दै देउवाले एक्लै जस नलिन  आग्रह गरेका छन् ।

 ‘