यी हुन् देउवालाई विश्वासको मत दिने ओली निकट सांसदहरु 

काठमाडौं । नेकपा एमालेका अध्यक्ष केपी ओलीकै निकट चार सांसदले शेरबहादुर देउवालाई विश्वासको मत दिएका छन् । कृष्णकुमार श्रेष्ठ, प्रेम आले, गोपाल बम र धनबहादुर बुढाले देउवालाई विश्वासको मत दिएका छन् ।

एमालेमा ओलीलाई साथ दिए पनि पेलाईमा परेको महसु्स गर्दैआएका यी चार सांसदले देउवालाई मत दिएका छन् । 
माधव नेपाल पक्षका २३ जनाले देउवाको पक्षमा मतदान गरेका छन् । २३ जनामा यी चार पनि हुन् ।

आलेलाई ५ महिनामै मन्त्रीबाट हटाएकोमा ओलीसँग रुष्ट छन् भने श्रेष्ठलाई सांसद सुरेन्द्र यादव प्रकरणमा ओलीले नै जनकपुर पठाएर बदनाम गराए पनि मन्त्री नबनाएकोमा उनी रुष्ट थिए । धनबहादुर बुढालाई  पर्यटन राज्यमन्त्रीबाट जानकारी नै नदिई ओलीले बर्खास्त गरेका थिए । गोपाल बम आलेकै निकट मानिन्छन् ।