प्रधानमन्त्री देउवालाई १६५ सांसदको समर्थन प्राप्त 

काठमाडौं । नेपाली कांग्रेसका सभापति शेरबहादुर देउवालाई सांसदको समर्थन प्राप्त भएको छ । प्रतिनिधिसभाका तत्काल कायम रहेका २ सय ७१ सांसदमध्ये २४९ मात्र मत दिनेबेलामा उपस्थित थिए । २४९ सांसदले मतदानमा भाग लिएकोमा १६५ सांसदले प्रधानमन्त्री देउवालाई विश्वासको मत दिएका छन् ।  देउवाको विपक्षमा ८३ मत प्राप्त भएको छ । १ सांसद तटस्थ बसेका छन् । 

देउवालाई नेपाली कांग्रेसका ६२, नेकपा माओवादीका ४९, जसपाका ३२ र राष्ट्रिय जनमोर्चाका १ सांसद गरी १४३ सांसदले विश्वासको मत दिने निश्चित थियो ।  जसपाको उपेन्द्र यादव समूहका १७ सांसदले मत दिने निश्चित भइसकेको थियो । आइतबार साँझ महन्थ ठाकुर पक्षले पनि मत दिने निर्णय गरेको थियो ।

एमालेका बरिष्ठ नेता माधवकुमार नेपाल सहित उनको समूहका २३ सांसदहरुले पनि प्रधानमन्त्री देउवालाई विश्वासको मत दिएका छन् । माधव नेपाल समूहका २३ सांसदले पार्टीको निर्णयबिपरीत फ्लोरक्रस गरी मत दिएका हुन् । देउवालाई मत दिनेमा मत दिनेमा ओली पक्षका सांसदहरु पनि छन् ।