एमाले संसदीय दलको बैठकमा माधव नेपाल पक्ष गएन

काठमाडाैं । नयाँ बानेश्वरस्थित संसद भवनको लोत्से हलमा नेकपा एमाले संसदीय दलको बैठक बसिरहेको छ । 

यसअघि आजै बिहान बसेको एमाले स्थायी समिति बैठकले  कार्यदलको १० बुँदे एकता प्रस्ताव अनुमोदन गर्दै शेरबहादुर देउवा नेतृत्वको सरकारलाई विश्वासको मत नदिने निर्णय गरेको थियो । दलको बैठकले स्थायी समिति बैठकले गरेका सोही निर्णयलाई अनुमोदन गर्ने नेताहरुको भनाई छ । 

बैठकमा एमाले संसदीय दलका नेता तथा अध्यक्ष केपी शर्माओली लगायत नेताहरु ईश्वर पोखरेल, प्रदीप ज्ञवाली, सुवास नेम्वाङ, विष्णु पौडेल लगायतका नेताहरु सहभागी छन् । 

बैठकमा वरिष्ठ नेता माधव नेपाल पक्ष भने सहभागी छैन । 

स्थायी कमिटी र संसदीय दलको बैठक नेपाल पक्षका उपाध्यक्ष भीम रावल, नेता सुरेन्द्र पाण्डे, महासचिव घनश्याम भुसाल, सचिव भीम आचार्य र गोकर्ण विष्ट स्थायी कमिटी बैठकमा गएका थिए । तर उनीहरुको बैठक रोक्ने प्रस्ताव अध्यक्ष ओलीले अस्वीकार गरेपछि उनीहरू बैठकबाट निस्कीएका थिए ।