भट्टराई भन्छन्- प्रतिष्ठित नागरिक वा अवकाशप्राप्त न्यायाधीशलाई राष्ट्रपति बनाउने हो कि ?

काठमाडौं ।  जनता समाजवादी पार्टीका संघीय परिषद अध्यक्ष डा.बाबुराम भट्टराईले नेपालका संवैधानिक राष्ट्रपतिहरूको भूमिका र स्तर निकै कमजोर रहेको बताउदै प्रतिष्ठित नागरिक वा अवकाश प्राप्त न्यायाधीशलाई राष्ट्रपति बनाउन प्रस्ताव राखेका छन् ।

बिहीबार बिहान सामाजिक सञ्जाल ट्वीटरमार्फत डा.भट्टराईले सो कुरा बताएका हुन् । भट्टराईले घुमाउरो पारामा विद्यालाई राष्ट्रपतिबाट हटाउनु पर्ने तर्क दिएका छन् । यद्यपि उनले विद्याको नाम भने उल्लेख गरेका छैनन् ।

गणतन्त्र नेपालका संवैधानिक राष्ट्रपतिहरूको भूमिका कमजोर रहेको भन्दै उनले प्रत्यक्ष निर्वाचित कार्यकारी राष्ट्रपति प्रणालीमै जानु श्रेयस्कर देखिने बताएका छन् । 

उनले यदि त्यो नभएसम्मको अन्तरिम अवधिमा प्रतिष्ठित नागरिक वा अवकाशप्राप्त न्यायाधीशलाई बनाउनुपर्ने होकी भन्दै प्रश्न गरेका छन् ।

गणतन्त्र नेपालका संवैधानिक राष्ट्रपतिहरूको भूमिका/स्तर निकै कमजोर/निम्न रहेको स्थितिमा प्रत्यक्ष निर्वाचित कार्यकारी राष्ट्रपति प्रणालीमै जानु श्रेयस्कर देखियो है!त्यो नभएसम्मको अन्तरिम अवधिमा पार्टीका सक्रिय नेता भन्दा प्रतिष्ठित नागरिक वा अवकाशप्राप्त न्यायाधीशलाई बनाउने हो कि?

— Baburam Bhattarai (@brb1954) July 14, 2021