राष्ट्रपतिको विज्ञप्ति नसच्चिएसम्म देउवाले शपथ ग्रहण नगर्ने

काठमाडाैं । नेपाली काँग्रेसका सभापति तथा नवनियुक्त प्रधानमन्त्री शेरबहादुर देउवाले  राष्ट्रपतिले संविधानको धारा नै उल्लेख नगरी विज्ञप्ति जारी गरेकाे भन्दै उक्त नियुक्ती नसच्चिएसम्म सपथ ग्रहण नगर्ने बताएका छन् ।

आफू नेपाली काँग्रेसको संसदीय दलको नेताको रुपमा प्रधानमन्त्री नभएको र धारा ७६ (५) अनुसार नियुक्त हुनुपर्ने भन्दै देउवाले विज्ञप्तिप्रति आपत्ति जनाएका छन् ।

देउवाले आफ्नै निवासमा बोलाएर मुख्यसचिव शंकरदास वैरागीलाई प्रधानमन्त्री नियुक्ती नसच्चिएसम्म सपथ ग्रहण नहुने बताएका हुन् ।

देउवाले विज्ञप्ति सच्याउने निर्देशन दिएपछि यस विषयमा राष्ट्रपतिसँग छलफल गर्ने भन्दै मुख्यसचिव बूढानीलकण्ठबाट बाहिरिएका छन् । समाचार तयार पार्दासम्म राष्ट्रपति कार्यालयबाट विज्ञप्ति सच्चिएको जानकारी आएको छैन । 

यस्ताे छ राष्ट्रपति कार्यालयबाट जारी विज्ञप्ति