ओलीलाई बालुवाटारदेखि बालकोटसम्म २ हजार गाडी र ३ हजार मोटरसाइकलले स्कर्टिङ गर्ने

काठमाडाैं । निवर्तमान प्रधानमन्त्री केपी शर्मा ओलीलाई बुधबार बालुवाटारदेखि बालकोटसम्म स्कर्टिङ गर्ने कार्यक्रम रहेकाे छ । 

दुई हजार गाडी र तीन हजार मोटरसाइकलले ओलीलाई बालकोट पुर्‍याउने कार्यक्रम रहेको युथ फोर्सले बताएकाे छ । साथै कौशलटारदेखि बालकोटसम्म जनताले स्वागत गर्ने कार्यक्रम समेत रहेको छ । 

युथ फोर्स तत्कालीन महासचिव झलनाथ खनालको पालामा गठन गरिएको थियो । माओवादीको वाइसिएलका नाममा गतिविधि बढेपछि एमालेले त्यसलाई काउन्टर दिन युथ फोर्स गठन गरेको थियो ।

नेकपा एमालेले आफ्नो भ्रातृ संगठनको रूपमा युथ फोर्सलाई ब्युँताइएकाे छ । 

युवा संघको मंगलबार बानेश्वरमा बसेको स्थायी कमिटी बैठकले क्षितिज थेबेको नेतृत्वमा युथ फोर्स ब्युँताएको हो ।

एमाले युवा संघका इञ्चार्ज तथा सांसद महेश बस्नेत नेकपा एमालेमाथि भइरहेको चौतर्फी घेराबन्दीको प्रतिरोध गर्न युथफोर्स ब्युँताइएको  बताए।

उनका अनुसार अहिले एमालेलाई बौद्धिक अराजकतावादी तथा विपक्षी गठबन्धनका नाममा घेराबन्दी गरिएको छ, त्यसको प्रतिरोध युथ फोर्सले गर्नेछ ।