ओलीले बोलाए स्थायी समिति बैठक, माधव नेपाल पक्षद्वारा स्थगित गर्न आग्रह

काठमाडौं । सर्वोच्च अदालतको सोमबारको परमादेशले प्रधानमन्त्रीबाट पदमुक्त भएका नेकपा एमालेका अध्यक्ष केपी शर्मा ओलीले पार्टीको स्थायी कमिटी बैठक बोलाएका छन् । आज दिउँसो १ बजे प्रधानमन्त्रीको सरकारी निवासमा स्थायी समितिको बैठक बोलाइएको छ ।

बैठकमा पार्टीका बरिष्ठ नेता माधवकुमार नेपालसहितका नेताहरुलाई पनि बोलाइएको छ । तर आजको बैठक स्थगित गरी अर्को दिन राख्नका लागि नेता नेपालसहितका नेताहरुले आग्रह गरेका छन् ।

सर्वोच्च अदालतको परमादेश अनुसार आज विपक्षी गठबन्धनका नेता शेरबहादुर देउवाले प्रधानमन्त्री पदको सपथ लिने भएकाले पनि बैठक अर्को दिनका लागि सार्न आग्रह गरेको छ । माधव नेपाल समूहका नेताहरुको अनौपचारिक बैठक बसेर आजको स्थायी समिति बैठक स्थगित गर्न अनुरोध गर्ने भएको छ ।