कार्यदलले गरेको १० बुँदे सहमतिप्रति नेपाल समूह असन्तुष्ट, केन्द्रीय कमिटी बैठक बस्दै

काठमाडाैं । लामो समयदेखि आन्तरिक विवादमा रुमलिएको सत्तारूढ नेकपा एमालेकाे विवाद समाधान गर्न १० बुँदे सहमति भएको विषयलाई लिएर वरिष्ठ नेता माधवकुमार नेपाल पक्षभित्र असन्तुष्टि देखा परेको छ।

प्रधानमन्त्रीसमेत रहेका अध्यक्ष केपी शर्मा ओली र नेता नेपाल पक्षबिच आइतबार बेलुकी १० बुँदे सहमति भएकाे थियाे । 

कार्यदलले गरेका सहमतिलाई अदालतमा विचाराधीन रहेको मुद्दालाई प्रभावित गर्ने गरी गलत व्याख्या नगर्न भन्दै नेता नेपालले पनि असन्तुष्टि जनाइसकेका छन् ।

नेपाल पक्षका अन्य नेताले पनि ‘प्रतिगमनको मतियारसँग झुकेको’ भन्दै कार्यदलको उक्त सहमतिप्रति असन्तुष्टि जनाएपछि आज केन्द्रीय कमिटी बैठक बस्ने भएको छ ।

स्राेतका अनुसार भर्चुअल रूपमा केन्द्रीय कमिटी बैठक बस्दै छ ।