सहमति नहुँदै ओलीले बोलाए केन्द्रीय कमिटी बैठक 

काठमाडौं । नेकपा (एमाले)का अध्यक्ष केपी शर्मा ओलीले एकपक्षीय रुपमा पर्सि मंगलबार केन्द्रीय कमिटीको बैठक बोलाएका छन् । ओलीले मंगलबार विहान ११ बजे प्रधानमन्त्रीको सरकारी निवास बालुवाटारमा बैठक बोलाएका छन् ।

नेकपा एमालेको कार्यदलमा सहमति नजुट्दै ओलीले ओलीले आइतबार साँझ केन्द्रीय कमिटी बैठक बोलाएका छन् । एमालेका कार्यालय सचिव शेरबहादुर तामाङले मंगलबार बिहान ११ बजेका लागि बैठक बोलाइएको जानकारी दिएका छन् ।  ओलीले यसअघि सर्वोच्च अदालतले प्रतिनिधिसभा पुनस्र्थापनाबिरुद्ध परेको रिटमा फैसला सुनाएको भोलिपल्ट असाधारण निर्णय गर्ने बताएका थिए । सर्वोच्च अदालतले सोमबार पेशी राखेको छ ।
।
आज कार्यदलमा सहमतिको मस्यौदा बनाएर थायी कमिटी बैठकबाट अनुमोदन गर्ने भनी बोलाइएको थियो । तर कार्यदलमा सहमति जुट्न बिलम्ब भएकाले स्थायी कमिटी बैठक सोमबार बेलुकाका लागि सारिएको छ । सर्वोच्चले प्रतिनिधिसभा पुनस्र्थापनाको रिटमा सोमबार फैसला गर्ने अनुमान गरिएको छ । यद्यपि भोलि नै फैसला हुने नहुने एकीन चाहिँ छैन ।