देउवालाई चुनौती दिँदै अर्जुननरसिंह केसीले साझा उम्मेदवार बनाउने

काठमाडौं । नेपाली कांग्रेसको १४औँ महाधिवेशन आउँदो भदौ १६ देखि १९ गतेसम्म हुने कार्यतायलिक सार्वजनिक भएसँगै नेताहरु आ–आफ्नो प्यानल बनाउने तयारी गरेका छन् । 

सोही क्रममा अर्जुननरसिंह केसीले संस्थापन शेरबहादुर देउवा समूहलाई चुनौती दिने गरी साझा उम्मेदवार बनाउने प्रयासमा गरेका छन् । 

संस्थापनइत्तर समूहबाट नेतृत्वमा दावी गरेका नेताहरुबीच सहमति गराएर साझा उम्मेदवार बनाउने गरी उनले प्रयास थालेका हुन् । उनले साझा उम्मेदवार बनाउन नेतृत्वका दावेदारलाई शुक्रबार छलफलमा बोलाएका छन् ।

सभापति देउवा पुनः नेतृत्वमा दोहोरिन चाहेका छन् भने देउवालाई १४औँ महाधिवेशनमार्फत नेतृत्वबाट विस्थापित गर्नुपर्नेमा संस्थापनइतर समूहको धारणा देखिन्छ । 

सोही कारण शुक्रबार केसीले सभापतिका दाबेदारी रामचन्द्र पौडेल, डा.शशांक कोइराला, प्रकाशमान सिंह, डा.शेखर कोइरालासहितका नेतालाई छलफलका लागि बोलाएका छन् । 

१३ औं महाधिवेशनमा देउवाको प्यानलबाट महामन्त्रीमा प्रतिस्पर्धा गरेका केसी १४औँ महाधिवेशनमा उनीविरुद्ध मोर्चाबन्दीमा लागेका हुन् ।