एमालेको एकता सहमतिको विन्दुमा पुगेकाे गोकर्ण विष्टकाे दावी

काठमाडाैं । नेकपा एमालेको माधव पक्षका कार्यदल सदस्य गोकर्ण विष्टले एमालेको एकता सहमतिको विन्दुमा पुगेको दावी गरेका छन् ।

बिहीबार सिंहदरबारमा बसेको कार्यदलको बैठकपछि प्रतिक्रिया दिँदै विष्टले एमालेको एकता सहमतिको विन्दुमा पुगेको दावी गरेका हुन् ।

उनले भने- ‘आजको बैठकमा हिजोभन्दा धेरै प्रगति भएको छ, लगभग सहमतिको विन्दुमा पुगेका छाै ।’

आन्तरिक गृहकार्य गर्नका लागि भन्दै आजको कार्यदलको बैठक भने स्थगित भएको छ । बिहीबार साँझ सात बजे पुनः बस्ने गरी कार्यदल बैठक स्थगित भएको हो ।

एमाले नेता सुवास नेम्वाङले सहमतिलाई अन्तिम रुप दिनका लागि आन्तरिक गृहकार्य आवश्यक रहेकाले साँझ पुनः बस्ने गरी बैठक सकिएको रातोपाटीलाई जानकारी दिए । बैठकपछि दुबै पक्षका कार्यदल सदस्यहरु आन्तरिक छलफलमा जुटेका छन् ।