ओलीको हठले मेरियट वार्ता असफल

काठमाडौं । नेकपा एमालेमा एकता प्रयास सार्थक बनाउन अध्यक्ष केपी शर्मा ओली र बरिष्ठ नेता माधवकुमार नेपालबीचको मेरियट वार्ता असफल भएको छ ।  अध्यक्ष केपी शर्मा ओली र वरिष्ठ नेता माधवकुमार नेपालबीच बुधबार  साँझ मेरियट होटलमा संवाद भए पनि सहमति हुन नसकेको नेताहरुले बताएका छन् ।

दुई नेताबीचको वार्तामा पावर सेयरिङ गर्ने बिषयमा ओली तयार नभएपछि सहमति हुन नसकेको वार्तामा सहभागी माधव नेपाल पक्षका एक नेताले बताएका छन् । ओली र नेपाल पक्षका नेता रहेको कार्यदलले विवादित विषयमा सहमतिको खाका बनाएपछि  दुई नेताबीच बुधबार साँझ मेरियट होटलमा भेट भएको थियो । तर पावर सेयरिङका बिषयमा सहमति नभएपछि मेरियट वार्ता निष्कर्षबिहीन भएको छ । मेरियट होटलमा ओली र नेपालबीच वान टु वान वार्ता भएको थियो । 
मेरियटमा ओली र नेपालबीच दुई घण्टा छलफल भएको थियो ।