हिन्दुराष्ट्र र संघीयताबारे प्रमुख राजनीतिक दलहरूभित्र बहस हुनु सकारात्मक भएकाे कमल थापाकाे टिप्पणी

काठमाडौं । राष्ट्रिय प्रजातन्त्र पार्टी (राप्रपा)का अध्यक्ष कमल थापाले हिन्दुराष्ट्र र संघीयताबारे प्रमुख राजनीतिक दलहरूभित्र बहस हुनु सकारात्मक रहेको बताएका छन् । 

आइतबार सामाजिक सञ्जालमार्फत अध्यक्ष थापाले राजनीतिक दलहरूभित्र हिन्दुराष्ट्र र संघीयताबारे बहस हुनु राम्रो कुरा भएको बताएका हुन् ।

शनिवार बसेको नेकपा एमालेको केन्द्रीय कमिटी बैठकमा संघीयता र धर्मनिरपेक्षताको बारेमा बहस हुनुपर्नेसहितको प्रस्ताव पेस गरेका थिए । 

उनले पश्चीमा देशहरू ईसाई धार्मिक मान्यतामा समाज र राष्ट्र चलेको भन्दा गौरव लागेको पनि बताएका हुन् ।

उनले लेखेका छन् – ‘हिन्दुराष्ट्र र संघीयताबारे प्रमुख राजनीतिक दलहरूभित्र बहस हुनु सकारात्मक छ। पश्चीमा देशहरू ईसाई धार्मिक मान्यतामा समाज र राष्ट्र चलेको छ भन्दा गौरव गर्छन्। हामी भने हाम्रो परिवार,समाज र राष्ट्र सनातन वैदिक मान्यताको धरातलमा उभिएको सत्य स्विकार्न हिनताबोध गर्छौं।यो हिनताबाट मुक्त हौँ।’ 

हिन्दुराष्ट्र र संघियताबारे प्रमुख राजनीतिक दलहरू भित्र बहस हुनु सकारात्मक छ।
पश्चीमा देशहरू ईसाई धार्मिक मान्यतामा समाज/राष्ट्र चलेको छ भन्दा गौरव गर्छन्।हामी भने हाम्रो परिवार,समाज/राष्ट्र सनातन वैदिक मान्यताको धरातलमा उभिएको सत्य स्विकार्न हिनताबोध गर्छौं।यो हिनताबाट मुक्त हौँ

— Kamal Thapa (@KTnepal) July 4, 2021