एमाले एकता फेरि संकटमा, नेपाल समूह शुक्रबारको बैठकमा नजाने

काठमाडौं । नेकपा एमालेको माधवकुमार नेपाल समूहले पार्टी अध्यक्ष केपी शर्मा ओलीले शुक्रबार बोलाएको बैठकमा नजाने निर्णय गरेकाे छ । 

असन्तुष्ट माधवकुमार नेपाल समूहको माग पूरा गर्ने र अदालतको आदेश कार्यान्वयन गर्ने उद्देश्यले १०औँ महाधिवेशन आयोजक कमिटीलाई केन्द्रीय कमिटीमा रुपान्तरण गरेर शुक्रबार बैठक बोलाएको थियो ।

तर, यथास्थितिमा शुक्रबारका लागि बोलाइएको केन्द्रीय कमिटीको बैठकमा नेपाल समूह सहभागी नहुने निर्णयमा पुगेको छ ।

भोलि शुक्रबारको बैठककाबारे एमालेले माधवकुमार नेपालसहितका नेताहरुलाई इमेल पत्र, एसएमएसमार्फत जानकारी दिइएको थियो । 

तर, बिहीबार बसेको नेपाल समूहको बैठकले यथास्थितिमा केन्द्रीय कमिटी बैठकमा सहभागी हुन बालुवाटार नजाने निर्णय गरेको हो । नेपाल समूहले प्याकेजमा सहमति हुनुपर्ने र आफूहरुको सल्लाहमा बैठक डाकिनुपर्ने बताएको छ । 

यसले नेकपा एमालेकाे एकतामा देखिएकाे ग्रिन सिग्नल फेरी निभ्ने संकेत गरेकाे छ । नेकपा एकता फेरि संकटमा परेको छ ।