नेताहरुलाई पूर्वराजाको कटाक्ष– अग्रगमनका चर्का नारा घन्काए पनि जनता सुखी भएनन्

काठमाडौं ।  पूर्वराजा ज्ञानेन्द्र शाहले नेताहरुबाट जति नै अग्रगमनका नारा घन्किए पनि जनताहरु सुखी हुन नसकेको बताएका छन् । 

यही असार २३ गते परेको आफ्नो जन्मदिन उत्सवको रुपमा नमनाउने निर्णय गरेको जानकारी गराउन जारी गरेको सन्देशमा पूर्वराजा ज्ञानेन्द्रले साे बताएका हुन् । 

मुलुक सञ्चालनको प्रवन्ध र व्यवस्थापन संक्रमण, संकट र अन्यौलको अवस्था देखापरेको भन्दै उनले परिवर्तन र अग्रगमनका चर्का नारा घन्काएर जतिनै रुपान्तरण गरे पनि जनताले ठोस सुख सुविधा नपाएको कटाक्ष गरेका हुन् । 

‘राजनीति, राज्य प्रणाली एंव राजकानको प्रवन्ध र व्यवस्थापन संक्रमण, संकट र अन्यौलको अवस्थामा देखापरेको छ । परिवर्तन र अग्रगमनका चर्का नारा घन्काएर जति नै रुपान्तरण गरे पनि जनताले ठोस सुविधा नपाइरहेको बुुझिएको छ’, पूर्वराजा ज्ञानेन्द्र शाहले जारी गरेको सन्देशमा उल्लेख गरिएको छ, ‘आफ्ना मूल्य, मान्यता तथा अस्तित्वलाई समाप्त पार्ने तर सही सिर्जना र सार दिन नसक्ने, आज नेपाली जनताको मन अशान्त रहेको छ । कोरोनाको खो पाउन नसकेका कतिपय नेपाली निराश छन् । यही गरी देशमा वर्षादको यो समय प्राकृतिक विपद्को वेदना पनि उत्तिकै छ, जनजीवन दुःखद् छ।’