पुत्रमोहमा फसेका धृतराष्ट्र र राष्ट्रपतिमा के फरक भयो ?- अधिवक्ता खरेलको

काठमाडौँ । संवैधानिक इजलासमा प्रतिनिधिसभा विघटनसम्बन्धी मुद्दामा रिट निवेदक पक्षको बहस सकिएको छ । 

असार ९ गतेदेखि सुरु भएको रिट निवेदक शेरबहादुर देउवासहित १४६ सांसदको तर्फको बहस आइतबार सकिएको हो ।

बहसका क्रममा रिट निवेदकका तर्फबाट बहस गर्दै अधिवक्ता सतिशकृष्ण खरेलले राष्ट्रपति संस्थाले निष्पक्ष भएर काम गर्न नसकेको बताएका छन् ।

राष्ट्रपति कार्यालयले संसदको विशेष अधिवेशन आह्वानको निवेदन लैजाँदा घण्टौँ दर्ता नगरिदिएको तर प्रधानमन्त्री ओलीको निवेदन रातिको समयमा पनि दर्ता गरिएको उनले बताए ।

उनले भने, ‘राष्ट्रपति संस्थाले निष्पक्ष भएर काम गर्न सकेन । कसैले संसदको विशेष अधिवेशन आह्वानको निवेदन लैजाँदा घण्टौ दर्ता नै नगरिदिने अनि केपी ओलीका निवेदन रातको ९ बजे, ११ बजे पनि स्वीकार गर्दै प्रतिनिधिसभा नै विघटन गरिदिने? पुत्रमोहमा फसेका धृतराष्ट्र र उहाँमा के फरक भयो?’