एमालेको महाधिवेशन आयोजक कमिटीको बैठक असार १६ मा बस्दै

काठमाडाैं । नेकपा एमालेले आगामी असार १६ गते दशौं राष्ट्रिय महाधिवेशन आयोजक कमिटीको बैठक बोलाएको छ ।

आज बालुवाटारमा बसेको स्थायी कमिटी बैठकले असार १६ गते महाधिवेशन आयोजक कमिटीको बैठक बोलाएको प्रवक्ता प्रदीप ज्ञवालीले जानकारी दिए । 

बैठकपछि प्रवक्ता प्रदीप ज्ञवालीले  पछिल्लो राजनीतिक स्थिति, कोभिड महामारी र राष्ट्रिय राजनीतिका बारेमा संक्षिप्त तर गहन छलफल भएको बताए ।

‘समसामयिक राजनीतिबारे अझै फराकिलो र केही निर्णय गर्नुपर्ने भएकोले असार १६ मा बैठक राखिएको छ,’ उनले भने।

बैठकले पार्टी सदस्यता पार्टी सदस्यता नवीकरणका कामलाई तीव्रता दिने निर्णय पनि गरेको छ ।

बैठकमा नेता माधवकुमार नेपाल पक्ष विपक्षी गठबन्धनमा लागेकोबारे पनि छलफल भएको थियो । जनता र कार्यकर्ताको चाहनाअनुसार नेता नेपालको क्रियाकलाप मेल नखाएको बिषयमा बैठकमा छलफल भएको ज्ञवालीले बताए ।