प्रतिनिधि सभा विघटन : आज निवेदक पक्षको बहस सकिँदै

 काठमाडौं । प्रतिनिधि सभा विघटनविरुद्धको मुद्दामा रिट निवेदकतर्फका कानुन व्यवसायीको बहस आज सकिँदैछ ।

सुरुवाती बहसका लागि निवेदक पक्षले संवैधानिक इजलासमा पाएको १२ घण्टामध्ये अब दुई घण्टा ३५ मिनेट बाँकी  बाँकी छ। जवाफी बहसका लागि थप तीन घण्टा उपलब्ध गराइएको छ ।

आइतबार उक्त समयमा कांग्रेस सभापति शेरबहादुर देउवाका वकिलले कुरा राख्नेछन्। बुधबारदेखि सुरु भएको बहसमा दुई दिन चार-चार घण्टाका दरले बहस भए पनि शुक्रबार दुई घण्टा मात्रै भएको थियो ।

निवेदक पक्षले सकेपछि विपक्षी सरकारी पक्षले आइतबार चिया ब्रेकपछि बहस थाल्नेछन्। विपक्षी सबैलाई संवैधानिक इजलासले १५ घण्टाको समय दिएको छ ।