प्रधानमन्त्रीको प्रस्ताव आइसकेको छ, तर गठबन्धनलाई धोका दिन्नँः माधव नेपाल

काठमाडौं । नेकपा (एमाले)का बरिष्ठ नेता माधवकुमार नेपालले प्रधानमन्त्री केपी ओली समूहबाट आफूलाई प्रधानमन्त्रीकै अफर आइसकेको बताएका छन् । उतले आफूलाई प्रधानमन्त्रीको प्रस्ताव आइसके पनि विपक्षी गठबन्धनलाई धोका नदिने बताएका छन् । 

विपक्षी गठबन्धनले शनिबार आयोजना गरेको कार्यक्रममा नेता नेपाले भने ‘माधव नेपाललाई प्रधानमन्त्रीको अफर आउँछ भन्ने होइन, आइसकेको छ । शेरबहादुरजीलाई बीचैमा पत्तासाफ गर्नुस्, तपाईं भइहाल्नुु्स् ।’ प्रधानमन्त्रीको अफर आए पनि माधव नेपाल धोका दिने मानिस नभएको उनले प्रष्ट पारेका छन् ।

 शेरबहादुर देउवालाई प्रधानमन्त्री बनाउनुभन्दा माधवकुमार नेपाललाई बनाउनुपर्ने ओली समूहका नेताहरुले नै भन्दैआएका छन् । गण्डकी प्रदेशका पूर्वमुख्यमन्त्री तथा एमाले नेता पृथ्वी सुब्बा गुरुङले त माधव नेपाललाई प्रधानमन्त्री बनाएर भए पनि पार्टी एकता गर्नुपर्ने अभिब्यक्ति दिइसकेका छन् ।