अदालतको फैसला बुझ्‍नेलाई श्रीखण्ड नबुझ्‍नेलाई खुर्पाको बिँड- योगेश भट्टराई

काठमाडौं । नेकपा एमालेका नेता योगेश भट्टराईले सर्वोच्च अदालतको पछिल्लो फैसलाले एमालेको एकतालाई नै जोड गरेको बताएका छन् ।

मंगलबार सर्वोच्च अदालतले मन्त्रिपरिषद् विस्तारको निर्णय तत्काल कार्यान्वयन नगर्न आदेश दिएको थियो ।

अदालतको सो आदेशपछि नेता भट्टराईले सामाजिक सञ्जालमार्फत अदालतको फैसला एमाले एकताको अपरिहार्यतालाई नै जोड गरे जस्तो आफुलाई लागेको बताएका हुन् ।

उनले यसलाई एकताको पक्षमा उत्प्रेरणा मान्नुपर्ने बताएका छन् । उनले यो बुझ्नेलाई यो एउटा पाठ भएको पनि बताएका छन् ।   

उनले लेखेका छन् – ‘अदालतका पछिल्ला फैसलाले नेकपा एमालेको एकताको अपरिहार्यतालाई नै जोड गरे जस्तो लाग्छ मलाई त । एकताको पक्षमा उत्प्रेरणा नै मान्नु पर्छ । बुझ्नु पर्नेहरुलाई यो एउटा पाठ हो । भन्छन नि बुझ्नेलाई श्रीखण्ड नबुझ्नेलाई खुर्पाको बिंड ।’