देश संकटको प्रमुख कारण राजनीति र नेतृत्वको स्खलन : बाबुराम भट्टराई

काठमाडौँ । जनता समाजवादी पार्टी (जसपा)का संघीय परिषद्का अध्यक्ष एवं पूर्वप्रधानमन्त्री डा. बाबुराम भट्टराईले देशको चौतर्फी संकटको मुल कारण राजनीति, दल र नेतृत्वको स्खलन भएको बताएका छन्।

आज बिहान सामाजिक सञ्जालमा पूर्वप्रधानमन्त्रीसमेत रहेका भट्टराईले राजनीतिक नेतृत्वको स्खलनका कारण कांग्रेस, कम्युनिस्ट र समाजवादीले आफ्नो धार बिर्सेको दाबी गरेका छन् । 

अध्यक्ष भट्टराईले यी सबैको आमुल परिवर्तनका लागि पार्टीहरुलाई नयाँ बनाउने आँट गर्नुपर्ने सुझावसमेत पेश गर्दै समयले कसैलाई नपर्खने उल्लेख गरेका हुन्। 

उनले लेखेका छन्, ‘भनिन्छ-टाउकाको ओखती नाइटामा लगाएर हुन्न ! अहिले देशको चौतर्फी संकटको प्रमुख कारण राजनीति/दल/नेतृत्वको स्खलन नै हो। कांग्रेस ‘कांग्रेस’नरहनु; कम्युनिष्ट ‘कम्युनिष्ट’नरहनु; समाजवादी ‘समाजवादी’नरहनु! कि यिनलाई आमूल रूपान्तरण गर्ने वा नयाॅ बनाउने आट गरौं ! नत्र समयले कसैलाई पर्खन्न है !’

भनिन्छ-टाउकाको ओखती नाइटामा लगाएर हुन्न! अहिले देशको चौतर्फी संकटको प्रमुख कारण राजनीति/दल/नेतृत्वको स्खलन नै हो।कांग्रेस ‘कांग्रेस’नरहनु; कम्युनिष्ट ‘कम्युनिष्ट’नरहनु; समाजवादी ‘समाजवादी’नरहनु! कि यिनलाई आमूल रूपान्तरण गर्ने वा नयाॅ बनाउने आॅट गरौं! नत्र समयले कसैलाई पर्खन्न है!

— Baburam Bhattarai (@brb1954) June 20, 2021