मेरा कारण एमाले एकता असफल भएको भन्ने ओलीको भनाइ भ्रामक र षड्यन्त्रपूर्ण : प्रचण्ड

काठमाडाैं । नेकपा (माओवादी केन्द्र) का अध्यक्ष पुष्पकमल दाहाल प्रचण्डले आफ्नो कारणले नेकपा एकताको प्रयास असफल भएको भन्ने प्रधानमन्त्री केपी शर्मा ओलीको भनाइ भ्रामक र षड्यन्त्रपूर्ण भएको दाबी गरेका छन्।

प्रचण्डले सोमबार आफ्ना कारण एकता असफल नभएको जिकिर गर्दै सामाजिक सञ्जाल ट्वीरमार्फत भनेका छन्,‘प्रधानमन्त्री केपी शर्मा ओलीले प्रचण्डको कारण एकताको प्रयास सफल नभएको भन्ने भनाइ झुठ, भ्रामक र षड्यन्त्रपूर्ण छ,’ ‘त्यस प्रकारको अभिव्यक्तिको घोर निन्दा र भर्त्सना गर्दछु।’

एमाले अध्यक्ष एवं प्रधानमन्त्री ओलीले आइतबार राति एक सार्वजनिक विज्ञप्ति जारी गदै आफूले नेकपा एकताका लागि प्रयास गरे पनि माओवादी अध्यक्ष दाहालका कारण एकता हुन नसकेको जनाएका थिए । 

प्रधानमन्त्री केपी शर्मा ओलीले प्रचण्डको कारण एकताको प्रयास सफल नभएको भन्ने भनाइ झुठ, भ्रामक र षड्यन्त्रपूर्ण छ । त्यस प्रकारको अभिव्यक्तिको घोर निन्दा र भर्त्सना गर्दछु ।

— ☭ Comrade Prachanda (@cmprachanda) June 7, 2021