उपप्रधानमन्त्री महतोलाई गोकुल बाँस्कोटाको जवाफ : बहुराष्ट्रिय राज्य बनाउछु भन्नु ज्ञान र दृष्टिको समस्या हो

काठमाडौँ। नेपाल कम्युनिष्ट पार्टी (नेकपा) एमालेका नेता एवं पूर्वमन्त्री गोकुल बाँस्कोटाले नेपाल बहुभाषिक, बहुजातीय, बहुधार्मिक, बहुसांस्कृतिक राज्य भएको बताएका छन् ।

पूर्वमन्त्री बाँस्कोटाले नवनियुक्त उपप्रधानमन्त्री राजेन्द्र महतोले नेपाललाई बहुराष्ट्रिय राज्य बनाउने अभिव्यक्ति दिएपछि त्यसको जवाफमा यस्तो बताएका हुन्। 

शनिबार राति  बाँस्कोटाले सामाजिक सञ्जालमार्फत् भनेका छन्, ‘नेपाल बहुराष्ट्रहरुको योगफल होइन र जन्मजात एक सार्वभौम राज्य हो, कसैको बुझाइमा भ्रम छ भने त्यो उसको राज्यको उत्पति र विकास सम्बन्धी ज्ञान र दृष्टिकोणको समस्या हो।’

ट्वीटरमा उनी लेख्छन्, ‘नेपाल बहुभाषिक,बहुजातीय,बहुधार्मिक, बहुसांस्कृतिक राज्य हो । बहुराष्ट्रहरुको योगफल होइन । जन्मजात एक सार्वभौम राज्य हो । कसैको बुझाइमा भ्रम छ भने त्यो उसको राज्यको उत्पति र विकाससम्बन्धी ज्ञान र दृष्टिकोणको समस्या हो, नेपाल राज्यको र जनताको बुझाईको समस्या होइन।’

नेपाल बहुभाषीक,बहुजातिय,बहुधार्मिक, बहुसाँस्कृतिक राज्य हो।बहुराष्ट्रहरुको योगफल होइन।जन्मजात एक सार्वभौम राज्य हो।कसैको बुझाइमा भ्रम छ भने त्यो उस्को राज्यको उत्पति र विकास समबन्धी ज्ञान र दृष्टिकोणको समस्या हो, नेपाल राज्यको र जनताको बुझाईको समस्या होइन।

— Gokul Prasad Baskota (@GokulPBaskota) June 5, 2021