महतोको अभिब्यक्ति भौगोलिक अखण्डता र राष्ट्रिय हित प्रतिकूल छः गोकर्ण बिष्ट 

काठमाडौं । प्रधानमन्त्री केपी ओलीले शुक्रबार उपप्रधानमन्त्री नियुक्त गरेका राजेन्द्र महतोले देश बिभाजन गर्ने खालको अभिब्यक्तिको चौतर्फी निन्दा भइरहेको छ । महतोले शुक्रबार राति सहरी विकास मन्त्रालयको पदभार ग्रहणपछि बहुल राज्यको स्थापनाको लागि मुक्ति आन्दोलन तयारी गर्ने भनी आपत्तिजनक अभिब्यक्ति दिएका थिए । उनको अभिब्यक्ति भौगोलिक अखण्डता र राष्ट्रिय हित प्रतिकूल भएको नेकपा एमालेका नेता गोकर्ण बिष्टले बताएका छन् ।

नेता बिष्टले शनिबार सामाजिक संजालमा लेखेका छन्–उपप्रधानमन्त्री राजेन्द्र महतोले ‘बहुल राष्ट्रिय राज्यको स्थापनाको लागि राष्ट्रिय मुक्ति आन्दोलनको तयारी गर्ने’ भनी दिएको अभिव्यक्ति भौगोलिक अखण्डता र राष्ट्रिय हित प्रतिकुल छ । जिम्मेवार पदमा रहेका व्यक्तिबाट यसप्रकारको अराजक र संविधान विरोधी अभिव्यक्ति आउनु दुर्भाग्यपूर्ण छ ।