ओलीसँग मिल्न सकिदैन नयाँ पार्टी खोल्न ढिला नगराैं: झलनाथ खनाल

काठमाडौं । पूर्वप्रधानमन्त्री झलनाथ खनालले नेकपा एमालेका अध्यक्ष केपी शर्मा ओलीसँग मिलेर जान नसकिने भन्दै तत्काल नयाँ पार्टी खोल्नुपर्ने बताएका छन् ।

आज एमालेको ओलीविरोधी समूहको केन्द्रीय कमिटी बैठकमा बोल्दै उनले केपी ओलीले विधि विधान सबै उल्लंघन गरिसकेकाले अब मिल्न नसक्ने बताएका हुन् ।

अहिले आत्तिने बेला नभएको र जोस जाँगरका साथ बढ्ने बेला भएको बताउदै आफूहरुको समूहमा कम्युनिस्ट आन्दोलनका सच्चा नेता कार्यकर्ता रहेको समेत दाबी गरे ।

अहिले समूह सानो भएपनि भविष्यमा राम्रो कार्यक्रम र एजेन्डाका साथ फैलन बताउदै उनले नयाँ पार्टी खोल्न ढिला गर्न नहुने बताएका छन् । विगतमा पनि आफूहरुले सानो समूह हुँदै देशकै ठूलो दल बनाएको अनुभव सुनाए ।

ओलीले अलमलाउने काम मात्र गरेकाे भन्दै कुनै हालतमा सम्झौता गर्न नहुनेमा खनालको जोड दिएका छन् ।