सुदूरपश्चिम सरकारका ६ मन्त्रीलाई एमालेको २४ घन्टे स्पष्टीकरण

धनगढी । नेकपा(एमाले) सुदूर पश्चिम प्रदेश कमिटीले सुदूरपश्चिम प्रदेशका तीन मन्त्री र तीन राज्यमन्त्रीलाई स्पष्टीकरण सोधेको छ । पार्टीले सुदूरपश्चिम प्रदेश सरकारबाट फिर्ता हुन दिएको निर्देशन बिपरीत मन्त्री पदमा नियुक्ति लिएकाले उनीहरुबिरुद्ध स्पष्टीकरण लिएको एमालेले जनाएको छ । एमालेको सुदूरपश्चिम प्रदेशसभा संसदीय दलले सरकारबाट फिर्ता हुने निणर्य अस्वीकार गर्दै शुक्रबार मुख्यमन्त्री त्रिलोचन भट्टको मन्त्रीपरिषदमा ३ मन्त्री र ३ राज्यमन्त्रीलाई पठाएको थियो ।  

मन्त्री नियुक्त भएको भोलिपल्टै एमालेको प्रदेश कमिटीले उनीहरुलाई स्पष्टीकरण सोधेको हो । यसअघि एमालेका प्रदेशसभा सदस्य माया भट्ट, कृष्णराज सुवेदी र प्रकाश शाहलाई पार्टीले निस्कासन गरिसकेको छ ।

अध्यक्ष केपी शर्मा ओलीले एक्लौटी घोषणा गरेको प्रदेश कमिटीका अध्यक्ष कणर्बहादुर थापा र सचिव राजेन्द्र सिंह रावलले प्रदेश सरकारलाई दिएको समर्थन फिर्ता लिने निणर्य विपरीत मन्त्री बनेको भन्दै ३ मन्त्री र ३ राज्यमन्त्रीलाई २४ घन्टे स्पष्टीकरण सोधेको हो । विपक्षीसँग मिलेर सरकारमा जानुलाई अपराधको संज्ञा दिंदै स्पष्टीकरण सोधिएको छ ।

शुक्रबारमात्रै प्रकाशबहादुर शाह आन्तरिक मामिला मन्त्रीबाट आर्थिक मामिला मन्त्रीमा दोहोरिएका छन् । दीर्घबहादुर सोडारी भौतिक पूर्वाधार, लालबहादुर खड्का समाजिक विकास, पूणर्ा जोशी आन्तरिक मामिला मन्त्री नियुक्त भएका थिए । त्यस्तै चुनकुमारी चौधरी, अर्चना गहतराज र मनाकुमारी साउद राज्यमन्त्री नियुक्त भएका थिए ।