बाबुराम भन्छन् – नेताहरूको यो हदसम्मको पतनबाट अत्यन्त दु:खित छु

काठमाडौँ। जनता समाजवादी पार्टी (जसपा)का संघीय परिषद अध्यक्ष एवं पूर्वप्रधानमन्त्री डा.बाबुराम भट्टराईले वर्तमान समयमा राजनीतिक दलहरुका नेताहरु आफैँ पतन भएको र त्यसले गर्दा आफू दुखी भएको बताएका छन् ।

अध्यक्ष डा. भट्टराईले आइतबार बिहानै सामाजिक सञ्जालमा एक पोष्ट शेयर गर्दै तेस्मा भनेका छन्, हाम्रा नेताहरूको यो हदको पतनबाट अत्यन्त दुस्खित छु,चिन्तित छु ।

पछिल्लो समय राष्ट्रपति र प्रधानमन्त्रीसँग विछिप्त भएका नेताहरुले सामाजिक सञ्जालदेखि पत्रकार सम्मेलनलगायतमा दुवैको खुलेरै विरोध गरेपछि पूर्वप्रधानमन्त्री भट्टराईले सबैलाई सद्बुद्दि आओस भन्दै कामना समेत गरेका छन्। 

नेताहरु आफ्नै हर्कतका कारण पतनको बाटोमा लागेको भन्दै भट्टराईले समयमै सत्मार्गमा नफर्किए नेताहरुलाई पनि भीरबाट लड्ने गाईलाई राम राम भनेझैँ भन्नु पर्ने उल्लेख गरेका छन्। 

उनले लेखेका छन्,’हाम्रा नेताहरूको यो हदको पतनबाट अत्यन्त दु:खित छु,चिन्तित छु। सद्वुद्धि आओस्,सत्मार्गमा फर्किऊन् !! नत्र भीरबाट लड्ने गाईलाई राम राम!!’